reforef.ru 1


Композитор Владислав Куприянов.

Исследовательский пашаэмын темыжы «Композитор Владислав Куприянов»

М¿нь¿н л¿мем Вика – Виктория Куприянова. Т³мд³н, колыштшывл³н, ядмаш, векат, лактеш: родня ылына ³ль агыл композитор доно? М¿нь¿н пашаэмын цельжы: Владислав Куприянов гишан таланда шайышт пуаш, мам мынь композитор гишан пален налынам, ынгылдараш, кыце мынь тыдын доно родын шоам. Ане, ма ик фамилиан веле ана ыл, а ик роды гыц, Александр Куприяновын, роды гыц ылына

²лда анжалына мамнан роды важнам.

Мынь да акам Лена школыш кашташ тынгалмына годшен палена: мамнан роды пушангына кого, келгы важан да лымлы. Маланна тидым папина Куприянова Вера …. шайыштын. Тыды марлан Куприяноввлан роды гыц ик эргылан толын. Седындон пала, ку техень композитор В. Куприянов, ³тяжы Порфирий да кугузавлашты Сергей Александрович да Иван Алекасандрович. Векат, такеш агыл ³тям дон ³в³мат мамнам когыньнамат Эман сола школыштына ылшы музыкальный школын филиалышкы карш шакташ тыменяш колтеныт.

Мамнан роды пушангынан укшвлажы мычкы анжалмыкы, каждый Куприянов эргывлан керал пашашты гишан келесаш лиэш. Седындон «Горномарийский район. История сел и деревень Республики Марий Эл» книгаштат мамнан фамилина гишан сирымы. « Уроженцами этой деревни являются Куприяновы: Сергей Александрович, педагог, директор Козьмодемьянского педтехникума; Иван Александрович, художник; отец известного марийского композитора Владислава Порфирьевича Куприянова Порфирий Александрович, также был музыкантом. Он закончил Йошкар-Олинское музыкальное училище им. И.С. Ключникова - Палантая, погиб на войне. Ксенофонт Александрович был одним из первых трактористов» (стр. 197)

Сергей Александрович гишан эче мынь техень книгашты лыдынам: «Л.Екельчик. 70 лет Йошкар-Олинскому музыкальному училищу им И.С. Палантая»: (стр.38) «После частой смены руководства директором в 1953 году был назначен Сергей Александрович Куприянов. Он выпускник Московской Академии коммунистического воспитания. Он имел большой организаторский и педагогический опыт, накопленный за годы работы директором и педагогом Мари-Беляморского и Ново-Торьяльского педагогических училищ, заместителем заведующего Областного отдела образования города Козьмодемьянска и старшим преподавателем кафедры педагогики Йошкар-Олинского педагогического института. Его деятельность в музыкальном училище началась с «погружения» в административно-хозяйственные дела, из которых главным было строительство нового учебного здания и забота о жилищно-бытовах условиях педагогов»


Порфирий Александрович гишанат ти книгашток шукым пален налаш лиэш, примереш: « Порфирий Александрович - выпускник первого выпуска (это выпуск 1936 г.) Его составили: К.А.Смирнов, Иванов В.И., С.И.Ведерников, А.Ф.Коротков, П.А.Куприянов, Александров А.В., Гусев Г.С. Судьбы их сложились по-разному: один из них стал в дальнейшем талантливым марийским композитором (К.Смирнов). Погибли в годы Великой Отечественной войны первый выпускник-скрипач П.Куприянов. Первый выпуск музыкантов не прошел незамеченно: «Марийская правда» отметила выпуск первых молодых и талантливых композиторов, чьи произведения уже исполнялись хором и симфоническим оркестром: Кузьмы Смирнова, А.Короткова, П.Куприянова» («Марийская правда» 4 июля 1936 года)»

Иван Александрович – художник. Тенге сирымым веле палем.

Ксенофонт Александрович (папижы Синофон манеш) «был одним из первых трактористов» сирымы. Тиды мыньын коготьотям, войнашты увердеок ямын. Эргыжы, Алексей, 1940 ин шачын ылын, тылыкеш кодын, кыды гыц ати Игорь 1966 ин шачын.

Тенге, Куприяноввлан роды гыц 3 эдем: Сергей, Порфирий, эргыжы Владислав музыкальный училище доно кылдалтыныт. Тышты директор 1953 – 1961ивлан Сергей Александрович ылын, Порфирий тыменьын, эргыжы Владислав тыменьын да ик жеп преподавателят ылын. Анят, маат ышке анзыкылашы тыменьмашнам ти училище доно кылдена.

А пакыла мынь шайышт пуэм, кыце эртен ылымашыжы, махань ылын Владислав Куприяновын творческаий пашажы, кыце лымлы композитор лин – тиды мыньын исследовательский пашаэмын цельжы.

Папин шайыштмыжы гыц пасна мынь техень книгавлам лыдынам, анженам да пиш шукы интересныйым пален налынам.

«Л.Екельчик. 70 лет Йошкар-Олинскому музыкальному училищу им И.С. Палантая» лыман книгашток лыдынам: «Отличную профессиональную подготовку получили выпускники начала 50-ых годов: Р.В.Артищева, В.П.Куприянов, Н.Ф.Рыбаков. Они достойно продолжили дело своих преподавателей и также стали педагогами и видными деятелями национальной культуры.


В.П.Куприянов 1936 и 12 майын Йошкар-Олашты кырык мары семняшты шачын. Атяжы Порфирий пиш иры, война тынгалмыкок, фронтеш ямын. Тенге изи ырвезы тылыкеш кодын, седындон изи годшы ылымашыжы кырык сирын Шимваж, Шур-Кушыргы, Тявак солавлашты Роюковвлан семняшты, роднявлажы доны эртен. Выржыкан школышты тыменьын.Тынам шукы ясым, орлыкым ужын. Лач тыдым ынде халык мырывла сусуэмденыт, ойхыжым шореныт. Изинек тыды гармоньым да шишкышым шакташ тынгалын.

А варажы 1951 ин шым класс паштек Йошкар-Олаш музыкальный училищышкы тыменяш кен. Пиш яжон 1957 ин тымень лактын: флейта классым пытарен, эчежы аккордеон, баян, фортепиано доно шактен. Тинар инструментым палаш – тиды кого мастарлыкым терген.

Музыкальный училищым тымень лакмыкыжы, Владислав Куприянов Советский Армишты служен, тыштат музыка гыц айырлыде.

Жеп пысын эртен. Пакыла тыменяш шумжы шыпшын. Ку тыдылан палшен кердын? Лач ышке веле, эчежы пуры эдемвла – мындыр роднявлажы. Йошкар-Олашты шукы варе эстрадный ансамбльвлашты пашалымы паштек 1969 ин хытыр млоец Казанский государственный консерваторим тымень пытарен. Тышты музыкын кого мастержы А.С.Леман тыдым ышке классыштыжы тымден. Вара педагог ышке тыменьшыжы гишан шукы гана попен: «В.Куприянов музыкылан шачын, тыдын ылымаш корныжы соты семан лишашлык». Самынь попыде профессор.

Поэт Николай Петрович Егоров ашындара: «Казань хала гыц токем – Йошкар-Олашкы шыренок тыды толын тыкна да мырылан у гыц у шамаквлам сираш ядын. Тенге шачевы мамнан пытариш мырывлана: «Кодын мылам фото веле», «Шачмы вар» да кок лирический романс». Хоть-кышты тыды пашам ыштен – И.С.Палантай лымеш музыкальный училищышты преподаватель, художественный самодеятельность коллективвлан вуйлатышы, Мары АССР композиторвлан ушем правленин председатель (1976 – 1981ивлан), Козьмодемьянск халан Я.Эшпай лымеш культура Дворецышты художественный руководитель, Маргосфилармонин «Элнет» вокально-инструментальный ансамбльын вуйлатышы – цила варе кого мастарлыкым анжыктен да самырык талантвлам кушташ палшен. Тыдын тыменьшывлажы логыц лымлы композиторвла А.Соснов, Софья Метелкина, В.Захаров, музыкант Арсений Яйцов да шукы мол искусствышты пашалышы ыдыр-ырвезывла ял выкы ынянын шагалыныт, кызыт тымдышыштын традицим пакыла видат. Тынамок ышкежат со сирен шалген.


Мыры шамакде ак шач. Лымлы композитор мары поэтвла доно соок кылым цат кычен: тыдылан шамаквлам сиреныт Семен Николаев, Евгений Першуткин, Иван Светлов, Василий Горохов да Николай Егоров. Н.Егоровын шамакеш техень мырывла шачыныт да кужы курыман линыт: «Цолгы шыдыр», «Йангем йыла», «Вычал яратымаш», «Кавыр Павыл», «Туан Козьмодемьянск». Козьмодемьянск гишан мырыштыжы, кыдым лымлы композитор Андрей Эшпай кукшын аклен, Кырык мары крайын силажы, цевержы, халыкын шулышыжы шижалтеш.

В.П.Куприяновын творчествышты ылшы эче ик кого пашажым анжыкташ келеш: тыды шукы жеп Шкетан лымеш Мары театр доно кылым кычен, тыдын сценыштыжы шындымы спектакльвлам композитор яргата семвлажы доно сылнештарен.

Композитор Владислав Порфирьевич шукы жанр доно пашален: шукы симфонический да камерный произведеним сирен (симфонический оркестрлан сюита, «Айо» увертюра, шишкыш, скрипка да оркестр доно шакташ концертвлам, Квинтетым да Фортепианолан вариацивлам).

Республикынан музыкальный культурыжым виангдымашты кого пашажым аклен, В.П.Куприяновлан Мары Эл Республика (1980) да Россий искусствын (1986) заслуженный деятельжы лымым пумы.

Талантан композиторын ылымаш да творческий корныжы мытык ылын. В.Куприянов силажы пыт пеледмы вереман ылымаш гыц кеен. Теве сирмаш. «Владислав Куприяновын чон йєсє шомакше». Ти сирмашым В. П. Куприянов 1989 ин февральын сирен, а 22 мартын, «Элнет» ансамбль доно гастрольышкы кен да тышец толде, курымжы кырылтын.

Когоэшна мары халыкна соты сем доно йонгалтшы шуман кого талантан эргыжы доно. Ыжал, тыдын ылымы курымжы кужы ыш ли – «пылгом гыц кедаралтшы шыдырлаок пысын йорен кеш. Но цолга шыдыр ак йоры, кыце мырыштыжы йонгалтеш, тыды соок «валгалтеш йырымваш». Техеньок Кырык сирнан яргата талантшы – композитор тангнаат, - сирен Н. Егоров, - тыдым остатка корнышкы ыжатымы годым ойхан лыдышым сираш варешты: «Пылвла йогат»…

12 май композиторым ашындарымы кечы семынь эртаралташ тынгалын. Ти кечы мырызывла, артиствла, тыдым ужшы-палышывла доно иквареш эртаралтеш, кышты композиторын шум вашт лакшы яргата мырывлажы йонгалтыт, зал хала мырат. Техень шум кымыл сек лишыл эдем докы веле лин кердеш.


Лымлы композиторын ылымашыжы мытык ылын гынят, сирен кодымы мырывлажы кужы курыман линыт.

Пылгомышты валгалт,

Шыдырвла йылалтат –

Ик шыдыр сотырак, сотырак…

О шыдыр – цолга шыдыр,

Валгалтат йырымваш…

20 и эртен ты кечы годшен, кынам Владислав Куприянов колен. Тек тагачшы шамаквлана тыдым ашындарымы семынь лит, вет иргодым Мары патырвлан кечы (День национального героя), а композитор В.Куприянов техень патыр Геройок ылын, кыдым соок ашындараш келеш, кыды остатка сирмашыштыжат йанг карштышыжым мары халыкын культурыжы, тыдым переген кодымы гишан шытырланен сирен коден.

Мынь техень книгавлам, газетвла гыц материалым кычылтынам.

Литература:

1.Владислав Куприянов. Йангем йыла. Мырывла. Йошкар-Ола, МКИ, 1990.

2. Марий чанг. «Марий ушем» демократический мер толкынын органже. 6-шо номер. 20 октябрь, 1990 и.

3. Николай Егоров. «Цолга шыдыр». Очерк-ашындарымаш. – «У сем», №2 , 1996

4. Ипполит Лобанов. Композитор лымеш. – «Ленин корны» 19 май 1990и

5. Николай Егоров. Мырызын курымжы кужы. – «Жера» 19 май 1998 и.

6.Николай Егоров. Йогат пылвла. – «Ленин корны» 13 июнь 1989 и.

7. Л. Екельчик. 70 лет Йошкар-Олинскому музыкальному училищу им. И.С.Палантая. Издательство ООИ «Салика» 2002 г.

8. Николай Егоров. «Яркая звезда» - «Марий Эл. Вчера, сегодня, завтра» № 5 - 6, 1994 г.

9. Александр Маклыгин. Владислав Куприянов: сылны мастарлыкшын сынжы. – «У сем» № 2, 1992 и.

10. Горномарийский район. История сел и деревень Республики Марий Эл. Сборник документальных очерков. Йошкар-Ола, 2006 г.

11. О.М. Герасимов. Композиторы и музыковеды Республики Марий Эл. Пособие для учителя. Йошкар-Ола. Марийское книжное издательство. 1994.